Святитель Феофан Затворник. Мысли на каждый день года
(Рим. 1, 28-2, 9; Мф. 5, 27-32). "Всякий, кто смотрит на женщину. . . уже прелюбодействовал с нею". Как же быть, если живя в обществе, нельзя не смотреть на жен? Но ведь не просто смотрящий на жену прелюбодействует, а смотрящий с вожделением. Смотреть - смотри, а сердце на привязи держи. Смотри очами детей, которые смотрят на женщин чисто, без всяких дурных мыслей. Женщин и любить должно, ибо в заповеди о любви к ближним не исключаются и они, - но любовью чистою, в которой имеется в мысли душа и духовное средство, помимо всего прочего. . . В христианстве, как перед Богом, нет мужеского пола, ни женского, так и во взаимных отношениях христиан. Всячески, скажешь, трудно. Да, без борьбы не бывает, но борьба предполагает нехотение худа; нехотение же милостивым Господом вменяется в чистоту.
Язык огнедохновен в силе Духа приемше,/ во плоти пришедшее Слово проповедаете всюду,/ Егоже ради ов во главу усечен,/ ов же камением побиен,/ и есте апостольскому лику украшение,/ Варфоломее и Варнаво,/ темже память вашу почитаем и просим:/ молите Христа Бога подати нам грехов оставление.
Кондак апостола Варнавы
глас 3
Господень был еси всеистинный служитель,/ апостолов же явился еси седмидесятих первый,/ озарил еси и с Павлом проповедь твою,/ всем возвещаяй Христа Спаса,/ сего ради песнопении// Божественную память твою, Варнаво, совершаем.
Божественною свыше благодатию просветився, Богомудре, / и по смерти яви тя светлость жития твоего, / темже источаеши мирови благоухание, / иже с верою притекающим к раце мощей твоих, Ефреме преподобне. / Тем вопием ти: / слава Давшему ти чудесем благодать, / слава Прославльшему тя в чудесех, / слава Действующему тобою всем исцеления.
Тропарь преподобного Ефрема
глас 1
Божественною свыше просветися благодатию, преподобне,/ многим терпением во временной жизни подвиг совершил еси./ Темже источаеши чудес благодать/ всем, с верою приходящим к мощем твоим, Ефреме преблаженне./ Сего ради зовем:/ слава Давшему ти крепость,/ слава Венчавшему тя,/ слава Действующему тобою всем исцеления.
Кондак преподобного Ефрема Новоторжского
глас 8
Светозарную лучу похвалим, преподобне,/ твою честную раку,/ многосветлою свещею просвещает бо Господь церковь твою от цельбоноснаго гроба твоего/ и озаряет омраченная наша сердца./ Якоже солнце незаходимое, отче,/ подобие образа твоего возсия нам,/ и град Торжек тобою благодать приемлет,/ обогащающу ти всех нас добротою чудес,/ содеянием благодати поющих ти: аллилуйя.
Тропарь Божией Матери пред иконой Ее Достойно есть (Милующая)
глас 4
Oтцев все Афонское множество,/ соберитеся, верно празднующе,/ днесь радующеся и светло восклицающе вси в веселии,/ Божия бо Мати ныне от Ангела преславно воспевается./ Темже, яко Богородицу, присно Сию славим.
Ин тропарь Божией Матери пред иконой Ее Достойно есть (Милующая)
глас 4
Притецем, вернии, со дерзновением/ к Милующей Царице Богородице/ и умиленно воззовем к Ней:/ низпосли на ны милости Твоя богатыя:/ град сей избави от всякаго обстояния,/ мир даруй мирови/ и спасение душам нашим.
Кондак Божией Матери пред иконой Ее Достойно есть (Милующая)
глас 4
Празднует днесь весь Афон,/ яко песнь прият от Ангела чудно/ Тебе, Чистей Богоматери,/ Юже вся тварь чтит, славящи.
Ин кондак Божией Матери пред иконой Ее Достойно есть (Милующая)
глас 8
Архангельский глас вопием Ти, Всецарице:/ достойно есть, яко воистинну,/ блажити Тя, Богородицу,/ Присноблаженную и Пренепорочную/ и Матерь Бога нашего.
Тропарь преподобного Варнавы Ветлужского
глас 1
Желанием духовным распалився/ и мятежи мирския отринув,/ к Богу любовию прилежно присовокупися./ И Того вседушне взыскуя, во внутреннюю пустыню отшел еси,/ при водах вселися,/ идеже во слезах и трудех пребывая многолетное время,/ в терпениих мнозех житие ангельское проходил еси/ в наставлении Божественнаго разума/ и множество монахов собрал еси, мудре,/ ихже, посещая не остави,/ Варнаво преподобне, отче наш,/ Пресвятей Троице моляся,/ от зол всяческих избавити и спасти души наша.
Кондак преподобного Варнавы Ветлужского
глас 8
От юности, преподобне, плоть твою в постех и молитвах истончил еси/ и, крест твой взем, усердно последовал еси Христу,/ темже и к Вышним течение радостно совершил еси,/ идеже со всеми святыми предстоиши./ И ныне стадо твое посещай, поминая чтущих всесвятую память твою,/ да вси благодарственно вопием ти:/ радуйся, Богомудре Варнаво, наставниче пустынный.
Православие.Ru
Поместные Церкви
English
Српска
Апостолов 
