Святитель Феофан Затворник. Мысли на каждый день года
(Дея. 16, 16-34; Ин. 9, 1-38). Спорит простота веры с лукавым неверием. Вера, пришедши к прозревавшему слепцу, просветила умные очи его, и он ясно видит истину. Смотрите, как у него все логично. Спрашивают его: ты что о Нем, даровавшем зрение, скажешь? "Это пророк", ответил он, то есть посланник Божий, облеченный силою чудодейственною. Непререкаемо верный вывод! Но образованность книжная не хочет видеть этой верности и ищет уклониться от последствий ее. А так как это не удавалось, то она обращается к некнижной простоте со своим внушением: "воздай славу Богу; мы знаем, что человек Тот грешник". Простота веры не умеет связать этих понятий - грешность и чудодейственность, и выражает это открыто: "грешник ли Он, не знаю, одно знаю, что я был слеп, а теперь вижу". Что можно сказать против такого неведения? Но логика неверов упряма, и при всей очевидности не стыдится утверждать, что не знает откуда отверзший очи слепому. "Это и удивительно", говорит им здравая логика веры, "что вы не знаете откуда Он, а Он отверз мне очи. Но мы знаем, что грешников Бог не слушает; но кто чтит Бога и творит волю Его, того слушает. От века не слышано, чтобы кто отверз очи слепорожденному. Если бы Он не был от Бога, не мог бы творить ничего". Казалось бы, после этого ничего не оставалось, как преклониться перед силою такого заключения. Но книжная ученость терпеть не может здравой логики веры, и изгнала ее вон. . . Поди теперь, доказывай истину веры тем, у которых ум растлился от упорства в неверии. Неверы всех времен - люди одного покроя.
Молитвы
Тропарь праведного Иоанна Русского
глас 4
От земли пленения твоего/ воззвавый тя к Небесным селением,/ Господь соблюдает невредимо и цельбоносно тело твое,/ праведне Иоанне,/ ты бо, в России ятый и во Асию проданный,/ посреде, агарянского злочестия благочестно пожил еси во мнозе терпении/ и, сеяв зде слезами,/ жнеши тамо неизглаголанною радостию.// Темже моли Христа Бога спастися душам нашим.
Тропарь праведного Иоанна Русского
глас 4
На Небеси предстоя Святей Троице,/ праведне блаженне Иоанне,/ земный ангеле, Божий человече,/ с Безплотными лики славословиши любовь неизреченную,/ в Церкви первородных со святыми водворялся,/ о нас, сущих на земли, возносиши молитвы/ к Содетелю всех и Спасу,/ да подаст мир всему миру,/ Церквам на земли благостояние и соединение всех,/ чтущих Сына Божия, во плоти пришедша,/ во святем Теле Христа Иисуса,/ еже есть Церковь Бога Живаго,/ во спасение рода человеческаго.
Ин тропарь праведного Иоанна Русского
глас 4
От земли Призвавший тя в Небесныя обители/ сохраняет и по смерти нетленное тело твое, святе,/ ты бо яко пленник приведен бысть в Азию,/ идеже и уподобися Христу./ Сего ради моли Его спастися душам нашим.
Кондак праведного Иоанна Русского
глас 8
В честней памяти твоей, святе,/ веселится о тебе Россия,/ во благочестии тя воспитавшая,/ и целебным мощем твоим радуется Асия,/ идеже узкий путь прошед страдальческаго плена и постнических подвигов,/ сосуд честен явился еси Божия благодати,/ еяже проси и нам, чтителем твоим, да зовем ти:// радуйся, Иоанне, благодати тезоимените.
Кондак праведного Иоанна Русского
глас 4
Евангельския любве служителя,/ правды Божия ревнителя,/ чистоты душевныя и телесныя хранителя,/ веру Христову исповедавша в страданиих,/ праведнаго Иоанна ублажаем и почитаем днесь/ и, житием его назидающеся, поем:/ радуйся, молитвенниче наш, от Бога прославленный.
Ин кондак праведного Иоанна Русского
глас 4
Ныне приспе память славных, святе отче, дел твоих,/ веселяще благочестивыя души,/ верно чтущия тя, Иоанне.
Перенесение мощей свтт. Московских Киприана, Фотия и Ионы. Тропарь
глас 8
Яко Светлаго Солнца светозарныя звезды,/ Троическим Светом озаряете сердца верных,/ пренесением честных мощей ваших,/ Троицы сосуди явистеся чистии вашим житием,/ и научисте люди твердо вере Христове,/ и скверну отгнасте вашими святыми заповедьми,/ и упасосте добре Христово стадо, порученное вам,/ Богомудре Киприане, со славным Фотием и со Ионою твердым,/ молитеся Христу Богу, да спасет души наша.
Перенесение мощей свтт. Московских Киприана, Фотия и Ионы. Кондак
глас 8
Яко трие велицыи светила, явистеся,/ озаряюще всю подсолнечную/ богоданною вам благодатию чудес,/ и просветисте молитвами своими верных сердца,/ вашу память чтущих честнаго пренесения./ И Владыку Христа, всех Творца, молите/ стране нашей на враги победу подати,/ яко имуще дерзновение,/ и нам просите велия милости, вопиющим к вам:/ радуйтеся, поборницы по Христове Церкви/ и многочестная светила, святителие славнии.
Перенесение мощей свтт. Московских Киприана, Фотия и Ионы. Ин кондак
глас 8
Яко крин, в пустыни давидски процветше, отцы святии,/ ныне явистеся и к Вышнему течению радостно устремистеся,/ идеже с лики святых Пресвятей Троице предстояще,/ молите сохранитися стаду вашему от враг видимых и невидимых./ Мы же, святое ваше обретение празднующе, вопием:/ радуйтеся, теплии наши заступницы.
Тропарь преподобного Нила
глас 4
Яко светильник всесветел,/ явился еси во острове Селигера езера,/ преподобне отче Ниле,/ ты бо, крест Христов от юности своея на рамо взем,/ усердно Тому последовал еси,/ чистотою Богови приближився,/ отонудуже и чудес дарованием обогатился еси./ Тем и мы, притекающе к раце мощей твоих, умильно глаголем:/ отче преподобне,/ моли Христа Бога// спастися душам нашим.
Кондак преподобного Нила
глас 8
Отечества, преподобне, удалився,/ в пустыню вселился еси,/ и, на остров Селигера езера возшед,/ жестоко житие показал еси,/ и, многих добродетельми удивив,/ дарования чудес от Христа приял еси./ Поминай нас, чтущих память твою, да зовем ти:// радуйся, Ниле, отче наш.
Житием чистым просветився,/ в молитвах и постех пустыни явился еси доброе прозябение/ и, духовному твоему учителю последствуя,/ ум свой к Небесным управль,/ стаду твоему наставник был еси,/ тем тя молим, отче Ферапонте:/ моли Христа Бога спастися душам нашим.
Преблагий Спас наш Христос/ умножил есть миость Свою к нам,/ даровав нам в заступника и целителя/ преподобнаго отца нашего Ферапонта,/ иже просвещает нас образом святаго жития своего/ и ныне молитвами своими ограждает храм свой от врагов и от разрушения,/ страну сию от глада и напрасный смерти,/ чтущих же память его всех/ от болезней и от лютых страстей.
Христовым желанием распалився,/ страсти плотския воздержанием оттряс,/ постническое стяжав жительство, преподобне,/ сего ради Господь труды твоя видев,/ даром чудес обогати тя,/ источавши бо исцеления и молишися о нас к Богу,/ мы же, радующеся, вопием ти:/ радуйся, Ферапонте, отче наш.
Тропарь преподобного Ферапонта Монзенского
глас 8
Любовию Христовою, Богомудре, просветився и добродетельми,/ сожительствовал еси Василию блаженному,/ и, всякое наслаждение плотское возненавидев,/ в пустыню вселился еси,/ в ней же вельми подвизался еси в жизни сей временней,/ плоть умершвляя свою в пениих, и во бдениих, и в пощениих./ Темже и Христос даром чудес обогати тя,/ но поминай убо нас, чтущих пресветлую память твою,/ преподобне отче Ферапонте,/ и моли Христа Бога спастися душам нашим.
Кондак преподобного Ферапонта Монзенского
глас 8
Возложив себе Богу от юности, преподобне,/ Того паче всех возлюбив,/ и Тому от всея души любовию последовал еси,/ тленная и красная мира нивочтоже вменив, в пустыню вселився,/ в ней же добре подвизался еси противу невидимых врагов козней/ и, яко светозарное солнце, в концех Галическия земли возсиял еси,/ отонуду же, веселяся, прешел еси к Небесным обителем,/ и ныне со Ангелы Владычню Престолу предстоя,/ поминай нас, чтущих память твою, да зовем ти:/ радуйся, Ферапонте, отче наш.
Православие.Ru
Поместные Церкви
English
Српска
Сщмч. 
Обретение мощей прп. 
Прав. 
