Тропари равноапостольным

Тропарь. Аверкию, еп. Иерапольскому, чдтв..

Аверкий Иерапольский, равноапостольный, еп.

Истины проповедник и чудотворец дивен показался еси, / сирот отец и нищих заступник, / бодрый пастырь словеснаго стада, бесом страшен, / всех убо от тех нападений заступай, вопиющих ти: / Аверкие отче наш, / моли Христа Бога, / да спасет души наша.

Тропарь. Кириллу, Мефодию, Клименту, еп. Охридскому, Науму, Савве, Горазду и Ангеляру (Болг.).

Кирилл(Константин), Философ, Моравский, равноапостольный

Мефодий Моравский, равноапостольный, архиеп.

Климент Охридский, Величский (Болгарский), равноапостольный, архиеп.

Наум Охридский, равноапостольный, исповедник

Савва Охридский, исповедник, равноапостольный

Горазд Охридский, равноапостольный, исповедник, еп.

Ангеляр Охридский, равноапостольный

Венцы хваления увенчаим седмочисленники славныя, / Кирилла со Мефодием, Климента, Наума со Саввою / и Горазда со Ангеларием, / яко светила возсиявшия / и Триединаго Бога нам благовестившия, / столпы незыблемыя Церкве Болгарския / и богодухновенныя поборники слова нашего, / бесовское идолом поклонение упразднившия / и Христу Богу молящияся, / Церковь нашу утвердити / и душам нашим даровати / мир и велию милость.

Величание. .

Савва Охридский, исповедник, равноапостольный

Ангеляр Охридский, равноапостольный

Горазд Охридский, равноапостольный, исповедник, еп.

Кирилл(Константин), Философ, Моравский, равноапостольный

Мефодий Моравский, равноапостольный, архиеп.

Климент Охридский, Величский (Болгарский), равноапостольный, архиеп.

Наум Охридский, равноапостольный, исповедник

Величаем вас, / святии равноапостоли седмочисленнии, / вся словенския страны ученьми своими просветивший / и ко Христу приведший.

Тропарь. Борису, во св. Крещении Михаилу, блгв. царю (Болг.).

Борис(в крещении Михаил), Болгарский, равноапостольный, царь

Исполнен страха Божия / и Крещением святым просвещен, / был еси жилище Святаго Духа, / благоверный царю Борисе. / Утвердив же веру Православную на земли Болгарстей / и жезл царствия оставив, / вселился еси в пустыню, / процвел еси в пбдвизех / и обрел еси благодать пред Господем. / Ныне же предстоя Престолу Всевышняго, / моли даровати нам, молящимся тебе, / спасение душ наших.

Тропарь. Владимиру, во св. крещ. Василию, вел. кн..

Владимир(в крещении Василий), равноапостольный, великий князь

Уподобился еси купцу ищущему добраго бисера, / славнодержавный Владимире, / на высоте стола седя матере градов, / богоспасаемого Киева, / испытуя же и посылая к Царскому Граду / увидети православную веру, / обрел еси безценный бисер Христа, / избравшего тя яко втораго Павла, / и оттрясшаго слепоту во святей купели, / душевную вкупе и телесную. / Тёмже празднуем твое успение, / людие твой суще: / моли спастися душам нашим.

Величание. .

Владимир(в крещении Василий), равноапостольный, великий князь

Величаем тя, / святый равноапостольный великий княже Владимире, / и чтим святую память твою, / идолы поправшаго и всю Российскую землю Святым Крещением просветившаго.

Тропарь. Горазду, архиеп. Моравскому.

Горазд Охридский, равноапостольный, исповедник, еп.

Достойнейший преемник учителя своего Мефодия, / Моравския Церкве первопрестольника, / был еси, святителю отче наш Горазде, / столп Православия предивен, / мученик без крове, / и изгнание от своего стада коварными мужи претерпев. / Далече от своего отечества, Моравския земли, / утвердив проповедию догматы божественныя Истины, / Духом соединился еси со святыми учители своими Кириллом и Мефодием в Царстве Небеснем. / Моли о нас, блаженне, / верою почитающих память твою, / умирити мир и спасти души наша.

Тропарь. Кириллу и Мефодию, учителем Словенским.

Кирилл(Константин), Философ, Моравский, равноапостольный

Мефодий Моравский, равноапостольный, архиеп.

Яко апостолом единонравнии / и словенских стран учителие, / Кирилле и Мефодие богомудрии, / Владыку всех молите / вся языки словенския утвердити / в православии и единомыслии, / умирити мир и спасти души наша.

Тропарь. Кириллу, учителю Словенскому.

Кирилл(Константин), Философ, Моравский, равноапостольный

От пелен прилежно Премудрость сестру себе сотворив, Богогласе, / пресветлую видев, яко девицу чисту, / юже приемь, приведе, / яко монисты златыми, сею украсив свою душу и ум, / и обретеся яко другий Кирилл, блаженне, / разумом и именем мудре.

Величание. .

Кирилл(Константин), Философ, Моравский, равноапостольный

Мефодий Моравский, равноапостольный, архиеп.

Величаем вас, / святии равноапостольнии Мефодие и Кирилле, / вся словенския страны ученьми своими просветившия / и ко Христу приведшия.

Тропарь. Клименту, архиеп. Охридскому.

Климент Охридский, Величский (Болгарский), равноапостольный, архиеп.

Словесы наставил еси языки в веру Христову, / делы же возвысил еси себе к Божественней жизни, / святителю Клименте равноапбстольне, / чудесы сияя приступающим к тебе верно / и знаменьми озаряя Церковь преславно, / сего ради честную твою память славим.

Величание. .

Климент Охридский, Величский (Болгарский), равноапостольный, архиеп.

Величаем Тя, / святителю отче Клименте, / иже ученьми твоими роды словенския просветил еси / и ко Христу привел еси.

Тропарь. Константину, царю.

Константин Великий, равноапостольный, император

Креста Твоего образ на Небеси видев / и, якоже Павел, звание не от человек прием, / в царех апостол Твой, Господи, / Царствующий град в руце Твоей положи, / егоже спасай всегда в мире молитвами Богородицы, / едине Человеколюбче.

Величание. .

Константин Великий, равноапостольный, император

Величание (Константину и Елене): Величаем вас, / святеи благовернии и равноапостольнии царие Константине и Елено, / и чтим святую память вашу, / вы бо святым Крестом / всю вселенную просветили есте.

Тропарь. Марии Магдалине, Мироносице.

Мария Магдалина, равноапостольная

Христу, нас ради от Девы рождшемуся, / честная Магдалино Марие, последовала еси, / Того оправдания и законы хранящи: / темже днесь всесвятую твою память празднующе, / грехов разрешение / молитвами твоими приемлем.

Величание. .

Мария Магдалина, равноапостольная

Величаем тя, / мироносице святая равноапостольная Марие Магдалино, / и чтим болезни и труды твоя, / имиже трудилася еси / во благовестии Христове

Тропарь. Мефодию, архиеп. Моравскому.

Мефодий Моравский, равноапостольный, архиеп.

Святителя Твоего, Христе, / творящим светло торжество успения / милость Твою свыше подаждь, / отверзи же Царствия двери, / разреши же узы наша многих грехов / ходатайством святаго Твоего ученика, / отца нашего.

Тропарь. Науму Охридскому.

Наум * Охридский, прп.

Мир оставил еси, прилепився Христу, / плоть распял еси, пожив Духу, / Науме всеблаженне, / потщался еси апостольским подвизатися течением / и уловил еси к вере Болгарская неисчетная множества. / Темже молитвами твоими / избави нас от искушений.

Тропарь. Николаю, архиеп. Японскому.

Николай (Касаткин), Японский, равноапостольный, архиеп.

Апостолов единонравне и сопрестбльне, / служителю Христов верный и Богомудрый, / цевнице избранная Божественнаго Духа, / сосуде преизливающийся любве Христовы, / Японския земли просветителю, / святый Николае, иерарше равноапостольне, / молися Живоначальней Троице / о всем твоем стаде / и о всем мире.

Тропарь. Нине, просветительнице Грузии.

Нина равноапостольная, прп.

Слова Божия служительнице, / во апостольстей проповеди Первозванному Андрею и прочим апостолом подражавшая, / просветительнице Иверии / и Духа Святаго цевнице, / святая равноапостольная Нино, / моли Христа Бога / спастися душам нашим.

Тропарь. Ольге, во св. крещ. Елене, вел. кн. Российской.

Ольга(в крещении Елена), равноапостольная, великая княгиня Российская

Крилами Богоразумия вперивши твой ум, / возлетела еси превыше видимая твари, / взыскавши Бога и Творца всяческих, / и Того обретши, паки рождение крещением прияла еси: / древа животнаго наслаждающися, / нетленна вовеки пребываеши, Ольго приснославная.

Величание. .

Ольга(в крещении Елена), равноапостольная, великая княгиня Российская

Величаем тя, / святая равноапостольная княгине Ольго, / яко зарю утреннюю в земли нашей возсиявшую, / и свет веры православныя народу своему предвозвестившую.

Тропарь. Фекле, первомц..

Фекла Иконийская, Селевкийская, равноапостольная, первомученица

Словесем Павловым научившеся Богоневестная Фекло, / и верою утвердившися от Петра Богозванная, / первомученица явилася еси, и первострадальница в женах, / возшла, еси на пламень, яко на место благоцветущее, / звери и юнцы устрашишася тебе, вооружися бо Крестом. / Тем моли, всехвальная, Христа Бога, / спастися душам нашим.