Тропари преподобным. Часть 1.

Тропарь. Онуфрию и Авксентию Вологодским, глас 8:.

Онуфрий * Перцовский, Вологодский, прп.

Авксентий * Перцовский, Вологодский, прп., исповедник

Православия наставницы, / благоче­стия и чистоты учителие, / Церкви Вологодстей Богодарованное украшение, / преподобнии отцы наши Онуфрие и Авксентие, / молите милостиваго Бога, / да вашим предстательством подаст благо­дать и мир стране нашей / и душам на­шим спасение.

Тропарь. Авраамию Галичскому, Чухломскому.

Авраамий Галичский, Чухломской, Городецкий, игумен

От мирскаго мятежа изшед, / в тихое пристанище, преподобнаго Сергия обитель, притекл еси, / и тамо равноангельное житие пожив, / во страну Галичскую пришел еси, / идеже веру Христову насаждая / и новокрещенныя люди от суеверий поганских очищая, / многи и велики подвиги подъял еси / и, обители четыри создав, / иноков лики добре упасл еси / и ко Христу Спасу привул еси, / Егоже моли, преподобие отче Авраамие, спасти души наша.

Тропарь. Авраамию, затворнику Печерскому, в Ближних пещерах.

Авраамий * Печерский, затворник

Велия веры исправления, / в пещернем затворе, яко на воде упокоения, / преподобне отче Авраамие, радовался еси, / огнем бо любве Божественным распалаемь, / бдением и молитвою безстрастия достигл еси / и явился еси равноангельный на земли, / того молитвами, Христе Боже, спаси души наша.

Тропарь. Авраамию, архим. Ростовскому.

Авраамий Ростовский, архимандрит

Просветйвся Божественною благодатию, / неверныя люди наставил еси к свету Богоразумия: / и по смерти сияя светлостию жития твоего, / источаеши исцеления притекающим с верою к тебе, / Авраамие отче наш, / Христа Бога моли даровати нам велию милость.

Тропарь. Авраамию Смоленскому.

Авраамий Смоленский, архимандрит

Днесь возсия нам память твоя, славне, яко солнце, / светозарно лучами озаряющая мир / и тьму нощи злых духов от нас отгоняющая. / Днесь Небёсныя силы святых Ангел / и души праведных мысленно торжествуют, радующеся. / Днесь и мы, грешнии, припадающе, молимся: / отче преподобне Авраамие, / Христа Бога моли непрестанно / спасти град и люди, любезно тебе почитающия.

Тропарь. Агапиту Печерскому, врачу безмездному, в Ближних пещерах.

Агапит Печерский

Богоноснаго Антония ревнуя смиренномудрию, / аки некиим врачеством зелием снедным / исцелял еси болящия, преподобие Агапите, / тем и врача неверна уверив, / наставил еси на путь спасения. / Уврачуй и наша болезни / и молися Господеви о воспевающих тя.

Тропарь. Агафону Печерскому, в Дальних пещерах.

Агафон Печерский

Блага Небесная ради дел твоих стяжавый, / благости тезоимените, Агафоне, / моли Благаго Господа, молим тя тепле, / яко да не лишит нас вечных благ Своих.

Тропарь. Фоме Малеину и Акакию Синайскому, глас 1:.

Фома Малеин, прп.

Акакий Синайский, прп.

Светила богосиянная миру / и ино­ков одушевленныя зари, / Фома чудесы, Акакий же послушанием, / возсиясте светло; / сих, яко имущих дерзновение к Богу, / молитвами во бранех пособствовати молим, / да просят от Христа Бога даровати прощение согрешений / чтущим их святую память.

Тропарь. Александру Свирскому.

Александр Свирский, прп.

От юности, Богомудре, желанием духовным в пустыню вселився, / единаго Христа возжелал есй усердно стопам в след ходйти, / темже и ангельстии чини зряще тя, удивйшася, / како с плотию к невидимым кбзнем подвизався, премудре, / победил еси полки страстей воздержанием / и явился еси равноангелен на земли, / Александре преподобне, / моли Христа Бога, / да спасет души наша.

Тропарь. Александру, игум. Куштскому.

Александр Куштский, игумен

Иже плотским дебельством Богови работати изводи, / в пустыню вселився, / в нейже многими поты и труды / безтелеснаго равноангельнаго пребывания возможе достигнута, / таже от Бога узрен быв, / сподобися великих чудес в жизни и по преставлении, / на нечистыя духи силу восприим, / изгониши от приходящих к тебе с верою, / темже, отче Александре, / за вся ны моли, / спастися душам нашим.

Тропарь. Александру Ошевенскому.

Александр Ошевенский, игумен

Христа, истиннаго Бога, всею душею возлюбил еси / и Тому невозвратным желанием последовал еси, / вся же красная и сладкая мира сего возненавидев, / яко небопарный орел, на Небеса возлете / и тамо со Ангелы ликуеши и со всеми святыми Святей Троице предстоиши, / моли и нам спастися, чадом твоим, / яко же обещася, Александре преподобне, отче наш.

Тропарь. Алексию, человеку Божию.

Алексий человек Божий

Возвысився на добродетель и ум очистив, / к Желанному и Крайнему достигл еси, / безстрастием же украсив житие твое, / и пощение изрядное восприим совестию чистою, / в молитвах яко безплотен пребывая, / возсиял еси яко солнце в мире, / преблаженне Алексие

Тропарь. Савве и Алексию затворнику, Печерским, в Ближних пещерах, глас 3:.

Савва Печерский

Алексий Печерский, затворник

Преблаженнии и Богоноснии отцы наши Савво и Алексие, / яко стяжавшии дерзновение ко Господу / равноангельным своим житием, / егоже ради обогати Христос / нетлением и чудесы мощи ваша, / молим вас прилежно: / испросите душам нашим очищение / и велию и богатую милость.

Тропарь. Алипию, иконописцу Печерскому, в Ближних пещерах.

Алипий Печерский, иконописец

Зраки изобразуя святых на дщицах, / сих благодеяния спешно, / яко искусен художник, всехвальне Алипие, / написовал еси на скрижалех твоего сердца / и сего ради, аки образ, благолепне украшен, / священства благодатию, аки златом, обложился еси / от Христа Бога и Спаса душ наших.

Тропарь. Алипию Столпнику.

Алипий Столпник, Адрианопольский, прп.

Терпения столп был еси, / ревновавый праотцем, преподобие, / Иову во страстех, Иосифу во искушениях, / и Безплотных жительству сый в телеси, / Алипие отче наш, / моли Христа Бога спастися душам нашим.

Тропарь. Амвросию Оптинскому.

Амвросий Оптинский, прп.

Яко к целебному источнику / притекаем к тебе, Амвросие, отче наш. / Ты бо на путь спасения нас верно наставляеши, / молитвами от бед и напастей охраняеши, / в телесных и душевных скбрбех утешаеши, / паче же смирению, терпению и любве научаеши. / Моли Человеколюбца Христа / и Заступницу усердную / спастися душам нашим.

Тропарь. Аммону, затворнику Печерскому, в Дальних пещерах.

Аммон Печерский, затворник, прп.

Егда изшел еси от мира, / тогда мирская вся яко тщетна отвергл, / егда же образ иноческий на ся прият, / тогда вражия коварства подвиги своими и труды, Аммоне блаженне, попрал еси, вопия: / Христе Боже, слава Тебе.

Тропарь. Амфилохию, Макарию, Тарасию и Феодосию Глушицким.

Амфилохий Глушицкий, игумен

Макарий Глушицкий, прп., игумен

Тарасий Глушицкий, прп., игумен

Светильники светлыя явльшеся, / доброту земную мудренно оставльше, / и идоша во внутреннюю пустыню, Амфилохие, Макарие, Тарасие и Феодосие, / смирение и всякую добродетель извыкше, / и обретоша безсмертие, / постом и бдением и прочим воздержанием себе приносяще Христу, / и ныне на Небесех Престолу Христову предстоите. / Молите, отцы Богомудрии, Амфилохие, Макарие, Тарасие и Феодосие, / умирити мир и спастися душам поющих вас, / и согрешений оставление даровати / чтущим всечестную память вашу.

Тропарь. Дионисию и Амфилохию Глушицким.

Дионисий Глушицкий, игумен

Амфилохий Глушицкий, игумен

Светильницы светлии явльшеся / доброту земную мудренно оставльше / и идоша во внутреннюю пустыню, купно с Дионисием Амфилохие, / смирение и всю добродетель извыкоша и обретоша безсмертие, / постом, и бдением, и прочим воздержанием себе принося Христу, / и ныне на Небесех Престолу Христову предстоя, / молитеся, отцы Богомудрии, Дионисие и Амфилохие, / умирити мир и спастися душам поющих вас, / согрешением оставление даровати, / чтущим всечестную память вашу.

Тропарь. Анатолию, в Ближних пещерах и Анатолию затворнику, в Дальних пещерах, Печерским.

Анатолий * Печерский, затворник

Преблаженнии и Богоноснии отцы наши, Анатолие и Анатолие Затворниче, / яко стяжавшии дерзновение ко Гос­поду / равноангельным своим житием, / егоже ради обогати Христос нетлением и чудесы мощи ваша, / молим вас прилежно: / испросите душам нашим очищение / и велию и богатую милость.

Тропарь. Андрею Рублеву, иконописцу.

Андрей Рублев, иконописец, прп.

Божественнаго света лучами облистаемый, / преподобне Андрее, / Христа познал еси Божию премудрость и силу, / и иконою Святыя Троицы всему миру проповедал еси / единство во Святей Троице. / Мы же со удивлением и радостию вопием ти: / имеяй дерзновение ко Пресвятей Троице / моли просветити души наша.

Тропарь. Андронику, Савве и Александру Московским, Даниилу Черному, Андрею Рублеву.

Савва Московский, прп.

Андроник * Московский, игумен

Андрей Рублев, иконописец, прп.

Плоды добродетелей на земли принесше, / преподобнии отцы, / в Небесных чертозех ныне благоухаете, яко райстии цвети, / и лицем к лицу зрите Пресвятую Троицу, / Юже дерзновенно молите / спастися душам нашим.

Тропарь. Андронику Антиохийскому.

Андроник Антиохийский, Египетский, прп.

Пустынный житель и в телеси Ангел / и чудотворец показался еси, Богоносне отче наш Андрониче, / постом, бдением, молитвою Небесная дарования приим, / исцеляеши недужныя и души верою притекающих к тебе. / Слава Давшему тебе крепость, / слава Венчавшему тя, / слава Действующему тобою всем исцеления.

Тропарь. Андронику Московскому.

Андроник * Московский, игумен

Безмолвие от юности возлюбив, / на гору Маковец пришел еси, Андрониче блаженне, / обитель общаго жития устроил еси в земнем граде Москве, / во обители Небеснаго града ныне ликовствуеши, / молися Христу Богу / спастися душам нашим.

Тропарь. Андронику и Савве Московским.

Андроник * Московский, игумен

Савва Московский, прп.

От юности своея, преподобнии отцы Андрониче и Савво, / в пустыни вселистеся Сергия великаго, / того житию последующе, / плоды смирения и послушания возрастили есте, / сего ради сподобившеся быти строители и первоначальники / обетныя обители святителя Алексия, / с нимже испросите у Христа Бога верным людем здравие и спасение / и душам нашим велию милость.

Тропарь. Антонию Римлянину, Новгородскому чдтв..

Антоний Римлянин, Новгородский, прп.

Ветхий Рим, отечество твое, оставив, / на камень, яко на легкий корабль, возшел еси / и на нем паче естества, аки безплотен, по водам шествовал еси, / промышлением Божественнаго разума направляемь, / Великаго Новаграда достигл еси / и, обитель в нем сотворив, / тело твое в ней предложил еси, яко дар освящен. / Тем молим тя, отче Антоние: / моли Христа Бога, да спасет души наша.

Тропарь. Антонию Дымскому.

Антоний Дымский, прп.

Добродетелей ревнителю, / пустын­ный житель, / подвижник веры Христа Бога нашего, / пощением и труды умертвивый плотская вожделения, / тезоимените великому Антонию, / егоже житию поревновал еси / и во егоже имя Боже­ственный храм воздвигл еси, / купно с ним, преподобне Антоние, моли Спаси­теля всех, / да и нас сотворит победители плотских похотей / и храмы Духа Святаго, / по велицей Его милости.

Тропарь. Антонию и Феодосию Печерским.

Антоний Печерский

Феодосий Печерский

Двоицу начальных российских све­тил почтим, / Антония, Богом посланнаго, и Феодосия, Богом дарованнаго: / тии бо первии, равноангельным в России житием просиявше от гор Киевских, / осветиша отечествия нашего вся концы, / и путь к Небеси правый многим показаша, / и, первоотцы иноком бывше, лики спасаемых Богови приведоша, / и ныне, предстояще в вышних немерцаемому Бо­жества Свету, молятся о душах наши

Тропарь. Антонию Печерскому, Киевскому, начальнику всех русских монахов.

Антоний Печерский

От мирскаго мятежа исшед, / отвержением же мира евангельски Христу последовал еси / и равноангельное житие пожив, / в тихое пристанище Святые Горы Афона достигл еси. / Отонудуже благословением отцев в гору Киева пришед, / и тамо трудолюбно жизнь совер­шив, / Отечество свое просветил еси, / и множеству монашествующих стезю ве­дущую к Небесному Царствию показав, / Христу сия привел еси. / Егоже моли, Антоние преподобне, / да спасет души наша.

Тропарь. Антонию Великому.

Антоний Великий, Египетский, прп.

Ревнителя Илию нравы подражая, / Крестителю правыми стезями последуя, / отче Антоние, / пустыни был еси житель, / и вселенную утвердил еси молитвами твоими. / Темже моли Христа Бога, / спастися душам нашим.

Тропарь. Антонию Сийскому.

Антоний Сийский, прп., иеромонах

Желанием духовным распалився / и мятежи мирския отринув, / ко единому же Богу любовию прилепился еси / и, Того вседушне взыскуя, / во внутреннюю пус­тыню отошел еси, при водах вселився, / идеже во слезах и трудех пребывая мно­голетное время, / в терпении мнозем житие Ангельское проходил еси / в наставлении Божественнаго разума, / и множе­ство монахов собрал еси, мудре, / ихже посещая, и не остави, Антоние препо­добне, отче наш, / Пресвятей Троице моляся / от зол всяческих избавити и спасти души наша.

Тропарь. Арефе, затворнику Печерскому, в Ближних пещерах.

Арефа Печерский, затворник

Богатство твое душевное погубити хотя враг, / помрачил тя бяше богатством тленным исперва, / но всех спасаяй Господь / богатство гибнущее окрасти попу­сти, / душевное же невредно соблюд, / Небесных сокровищ наследника тя показа, Арефо, / тем тя чтим и ублажаем.

Тропарь. Аркадию Новоторжскому.

Аркадий Вяземский и Новоторжский, прп.

От духовнаго наставника, отца преподобнаго Ефрема, наставляемь, / послушания добрый рачителю, отче Аркадие, / от мирскаго мятежа удалился еси / и, инок быв изрядный, / добрым подвигом ревнуяй, / от Христа Бога приял еси венец славы Небесныя; / и ныне, вкупе с преподобным отцем Ефремом у Престола Вышняго предстоя, / о нас молися, избавитися нам от всех бед и скорбей / и спастися душам нашим.

Тропарь. Арсению Трудолюбивому, в Дальних пещерах.

Арсений Печерский, Трудолюбивый

Слез твоих теченьми пустыни безплодное возделал еси, / и иже из глубины воздыханьми во сто трудов уплодоносил еси, / и был еси светильник вселенней, сияя чудесы, Арсение отче наш, / моли Христа Бога спастися душам нашим.

Тропарь. Арсению Великому.

Арсений Великий, прп.

Слез твоих теченьми пустыни безплодное возделал еси, / и иже из глубины воздыханьми во сто трудов уплодоносил еси, / и был еси светильник вселенней, / сияя чудесы, Арсение отче наш, / моли Христа Бога спастися душам нашим.

Тропарь. Арсению Комельскому.

Арсений Комельский, Вологодский, игумен

Удалився мира, и водворився в пустыню, / и ту подвизався добрым подви­гом, / постом, и молитвами, и многим терпением, / и жив показал еси многая чудеса, / и по преставлении своем источаеши различная исцеления / с верою приходящим к честному гробу твоему, / Арсение, отче наш, / моли Христа Бога / спастися душам нашим.

Тропарь. Арсению Коневскому.

Арсений Коневский, прп.

Духом Божиим наставляемый, / воз­любил еси безмолвие, / в немже евангельски подвизающуся, / пречудный Афонский дар — / Богоматере икона, даровася ти, всеблаженне, / и, образ добродетелей быв стаду твоему, / Арсение отче наш, / к Горнему торжеству возшел еси, / идеже со Ангелы ликовствуя, / моли Христа Бога / спастися душам нашим.

Тропарь. Арсению Новгородскому.

Арсений Новгородский, прп., Христа ради юродивый

Отечество свое и род оставил еси, / Христу прилепися, / и Великаго Новаграда достигл еси, / и в нем во юродстве трудолюбное твое тело изнурил еси / многим постом и воздержанием, / и пророчествия дар прияти сподобися, / и многошвенныя ризы изволил еси на себе носити, / и, тело в нем предложив, / обитель себе в премирнем Царствии у Христа, всех Бога, сотворил еси. / Егоже моли, святе Арсение преподобне, / Церкви и стране нашей в мире пребывати от всех навет вражиих, / ущедрити нас, почитающих твое торжество, / и спасти души наша.

Тропарь. Афанасию, затворнику Печерскому, в Дальних пещерах.

Афанасий Печерский, затворник

По имени своему за труды велия / и всегдашнее зде умерщвление плоти в затворе / безсмертную ныне на Небеси / жизнь наследовавый, / молим тя прилежно: / молися о нас, / яко да и мы тояжде сподобимся получити.

Тропарь. Афанасию, затворнику Печерскому, в Ближних пещерах.

Афанасий Печерский, затворник

Блаженство плачущих получити же­лая, / день и нощь непрестанно плакал еси, / имея во уме час Судный, / тем по кончине твоей обрел еси утешение на Небеси, / преподобне Афанасие. / Подаждь и нам плакатися зде грехов наших выну, / яко да плача безконечнаго избывше, / тамо приимем вечное утешение.

См. также:

• Тропари преподобным. Часть 2. Афанасий-Евфимий
• Тропари преподобным. Часть 3. Евфимий-Ипатий
• Тропари преподобным. Часть 4. Иринарх-Марон
• Тропари преподобным. Часть 5. Мартин-Паисий
• Тропари преподобным. Часть 6. Паисий-Сильвестр
• Тропари преподобным. Часть 7. Симеон-Харитон. Анастасия-Гавриил
• Тропари преподобным. Часть 8. Григорий-Феодосий