Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2022

Преподобный Тихон, Калужский чудотворец

День памяти: 16 июня

Иконы

Жития

  • Преподобный Тихон Медынский, Калужский и преподобный Никифор Калужский
  • Преподобный Тихон, Калужский чудотворец
  • Молитвы

    16 июня
    Тропарь преподобного Тихона Калужского
    глас 4
    Яко светильник пресветлый,/ явился еси в Российстей земли,/ преподобне отче наш Тихоне,/ в пустыни вселився,/ в нейже преходя жестокое жительство,/ яко безплотен, пожил еси,/ сего ради и чудес дарованием обогати тя Бог./ Тем и мы, притекающе к мощем твоим, умильно глаголем:/ отче преподобне,/ моли Христа Бога// спастися душам нашим.
    Кондак преподобного Тихона Калужского
    глас 8
    Отечества удалився, преподобне,/ в пустыню вселился еси,/ идеже жестокое житие твое показал еси/ и, многих добродетельми удивив,/ дарование чудес от Христа приял еси./ Темже поминай нас, чтущих память твою, да зовем ти:// радуйся, преподобне Тихоне, отче наш.

    Молитва преподобному Тихону Калужскому
    О священная главо, великий чудотворче, преподобне отче наш Тихоне, преблаженне и преславне, Духа Святаго исполнение, постников похвало, монашествующих славо, пустыни украсителю, теплый о нас молитвенниче, ныне со ангельскими воинствы предстоя у Престола всех Царя славы Господа и наслаждаяся света Единосущныя Троицы, и с Горними силами воспевая Трисвятую песнь, яко дерзновение имея, молися Всемилостивому Владыце спасти вся, верующия во имя Его; испроси мир и тишину Святым Церквам ниспослати, вере православной укрепление, видимыя и невидимыя враги низложити, грады наши утвердити, мир весь умирити. Моли милостиваго Бога, да твоим благоприятным ходатайством вся православныя христианы избавит Он от глада, губительства, труса, потопа, огня, меча, от нашествия иноплеменник и междоусобныя брани, старыя да подкрепит, юныя да наставит, немудрыя умудрит, болящия исцелит, плененныя и юзники свободит, сироты заступит, младенцы воспитает и вся люди сохранит от всех бед и напастей, и от нападения вражия, и смертоносныя язвы, и тлетворных ветр, и от всякаго зла. Днесь же с верою приходящих рабов твоих, со страхом и любовию припадающих к многоцелебным мощем твоим и образ подобия твоего любезно целующих, яко теплый наш заступниче, сохрани и в скорбных обстояниих наших предстани, душевных и телесных страстей свободи; в день Страшнаго суда шуияго стояния избави и с десными овцами молитвами твоими стати сподоби и слышати блаженный оный глас Владыки, Христа Бога нашего: «Приидите, благословеннии Отца Моего, наследуйте уготованное вам Царство от сложения мира». Емуже подобает всякая слава, честь и поклонение, со Безначальным Его Отцем и со Пресвятым, и Благим, и Животворящим Его Духом, ныне и присно и во веки веков. Аминь.

    Сайты приходов:

    Храм Тихона Медынского г. Калуга (Калужская епархия)
    Храм прп. Тихона Калужского с. Алексеевка (Владивостокская епархия)

    Статья на Православие.Ru

    © ПРАВОСЛАВИЕ.RU