Святитель Феофан Затворник. Мысли на каждый день года
(2 Тим. 3, 1-9). Кто такие "имеющие вид благочестия, силы же его отрекшиеся"? И кто другие "всегда учащиеся и никогда не могущие дойти до познания истины"? Первые те, которые держат все внешние порядки, в которых выражается благочестная жизнь; но не имеют столько крепкой воли, чтоб и внутренние свои расположения держать так, как требует истинное благочестие. Идут в храм охотно, и там стоят охотно. Но не делают напряжения, чтоб и умом своим стоять перед Богом неотходно и благоговейно припадать к Нему, а помолившись немного, выпускают бразды правления ума, и он парит, обтекая весь мир. И выходит, что тогда как по внешнему их положению они в храме, по внутреннему состоянию их нет там: остался у них один образ благочестия, а силы его нет. Так и о всем другом разумевай. Вторые это те, которые, вступив в область веры, только и делают, что вопросы изобретают, - что то, что это, почему так, почему этак. Люди, страждущие пустой пытливостью. За истиною не гонятся, а лишь бы пытать и пытать. И решение нашедши вопросам, недолго останавливаются на нем, а скоро чувствуют нужду приискивать другое решение. И так кружатся день и ночь, пытая и пытая, и никогда вполне не удовлетворяясь допытанным. Иной за удовольствиями гоняется, а они за удовлетворением пытливости своей.
Молитвы
Тропарь преподобного Лонгина Коряжемского
глас 1
От мятежа мирскаго удалився,/ к немерцающему Свету притекл еси, преподобне отче Лонгине,/ и ныне чисте зриши Святую Троицу,/ Юже моли за ны недостойныя,/ да спасет души наша.
Кондак преподобного Лонгина Коряжемского
глас 8
По словеси Учителя Христа,/ крест на рамо твое приял еси,/ вся житейская отринув,/ и образ Животворящаго Древа в пустыню принесл еси,/ идеже доныне исцеления неоскудно источаются/ с верою приходящим к тебе.
Тропарь преподобного Прохора Печерского, в Ближних пещерах
глас 4
Преподобне и чудотворче, отче Прохоре,/ препитавый во гладе алчущия хлебом от былия и солию от пепела,/ напитай и нас пищею духовною,/ моля Христа Бога/ о душах наших.
Кондак преподобного Прохора Печерского, в Ближних пещерах
глас 2
Велиим воздержанием удручая плоть свою, святе,/ лишився пищи человеческия,/ зелием и травою вместо хлеба, пепелом же, аки солию, питался еси,/ чудодейственне Прохоре./ Еже видя, Господь преложи зелие во хлеб и пепел в соль,/ имиже ты множество гладных препитал еси,/ тем тя чтем и ублажаем.
Тропарь священномученика Харалампия
глас 4
Яко столп избранный Церкве Христовой/ и светильник присносветлый всея вселенныя,/ премудре показася, Харалампие,/ возсия в мире мучением,/ разруши идольское мракобесие, блаженне,/ сего ради явися предстатель Христу,/ молися спастися нам.
Тропарь священномученика Харалампия, поемый на молебне
глас 4.Подобен: К Богородице прилежно:
Страстотерпцу Харалампию приступим/ и образу его поклонимся, от сердца вопиюще:/ мучениче Харалампие и отче,/ от всякаго обстояния и всех бед своих раб избави нас,/ в церкве твоей выну пребывающих.
Ин тропарь священномученика Харалампия, поемый на молебне
глас 4. Подобен: Вознесыйся на Крест:
Пострадавый мужески и мученический надевый венец,/ священномучениче преславне Харалампие, / свобода раб твоих от губительства и всякаго зла,/ напастей и бед, святе,/ с любовию твое призывающих чудное имя.
Ин тропарь священномученика Харалампия, поемый на молебне
глас 2
Молитвами твоими ко Господу/ от зол, бед, напастей свободи/ верно к тебе прибегающих/ и сетей избави вражиих,/ велий страстотерпче Харалампие.
Ин тропарь священномученика Харалампия, поемый на молебне
глас 4. Подобен: Скоро предвари:
Яко столп избранный Церкве Христовой/ и светильник присносветлый всея вселенныя,/ премудре показася, Харалампие,/ возсия в мире мучением,/ разруши идольское мракобесие, блаженне,/ сего ради явися предстатель Христу,/ молися спастися нам.
Кондак священномученика Харалампия
глас 8
Подобствовав благодатию священства, славне,/ Церковь светло украсил еси Божественным страданием,/ еже за Христа приял еси доблественно, радуяся, Харалампие,/ честный светильниче всемирный, осияваяй концы,// яко непобедимый.
Кондак священномученика Харалампия, поемый на молебне
глас 6. Подобен: Предстательство христиан:
Яко мученик и исповедник цвет,/ двойным венцем Христос тя увенча,/ возвеличив безчисленными чудесы на земли,/ но яко благодать Господню являя нам, / верно к тебе прибегающим, / даруй мир, помозй в напастех и лютых бедах,/ святейший Харалампие.
Тропарь благоверной княгини Анны Новгородской
глас 1
От запада возсиявши, яко звезда небосветлая,/ прияти Православную веру сподобилася еси,/ в нейже плод благославный Русской земле принесши,/ святая благоверная княгине Анно,/ Христа всем сердцем возлюбила еси,/ Того оправдания и законы хранящи;/ темже днесь всесвятую твою память празднующе,/ грехов оставление молитвами твоими приемлем.
Кондак благоверной княгини Анны Новгородской
глас 4
Днесь в светлой памяти твоей/ Великий Новград веселится,/ созывая всех верных светло праздновати память твою,/ и мы ныне, духовно ликовствующе,/ радостно славим тя и молим:/ святая благоверная княгине Анно,/ предстоя Святей Троице/ моли избавити Великий Новград и всю землю Русскую/ от всяких бед и обстояний и всем нам спастися.
Православие.Ru
Поместные Церкви
English
Српска
Сщмч. 
